မတ်စောက်တဲ့ ကျောက်တောင်ပေါ်မှာ တောင်ဆိတ်တွေနောက်ကို အမဲလိုက်မုဆိုးတွေ လိုက်ကြရင်းနဲ့ ချောက်ကမ်းပါး တစ်ခုရဲ့ထိပ်မှာ တောင်ဆိတ်အုပ်ကြီး ပြေးပေါက်မရှိတော့ပဲ ၊ ပိတ်မိသွားတယ်။ သူတို့ ခုန်ကူး နိုင်တာထက် ချောက်ကမ်းပါးက ပိုကျယ်နေတယ်။အောက်မှာကလဲ ရေစီး သန်တဲ့ ချောင်းနက်ကြီး။ တောင်ဆိတ်တွေက အလွန်ဆုံးမှ ခြောက်မီတာလောက်ပဲ ခုန်နိုင်တာ။ ချောက်ကမ်းပါးက တစ်ဆယ် မီတာကျော်ကျော်လောက် ကျယ်နေတယ်။ မုဆိုးတွေက တောင်ဆိတ်အုပ်ကြီး ဘယ်လိုမှ ပြေးမလွတ်တော့ဘူး။ လွယ်လွယ်နဲ့ အကုန်ဖမ်းမိပြီလို့ တွက်ကြတယ်။ သူတို့ဟာ တဖြည်းဖြည်းနဲ့ တောင်ဆိတ်အုပ်ဆီ တိုးသွားကြရင်း တောင်ဆိတ်တွေ ဘာလုပ်မလဲ ကြည့်နေကြတယ်။ သူတို့ကြည့်နေတုံးမှာ တောင်ဆိတ်တစ်ကောင်က အရဲစွန့်ပြီး လွှားကနဲ ခုန်ကူးလိုက်တယ်။ အလှမ်းကျယ်လွန်းလို့ တစ်ဖက်ကမ်းဆီ မရောက်ပဲ ချောက်ကမ်းပါးနက်ထဲ ပြုတ်ကျ သွားပြီး၊ ရေစီးထဲမျောပါသွားတယ်။ နောက်ထပ်တစ်ကောင်မှ ထပ်မခုန်ရဲတော့ဘူး ။ ကြောက်လန့် တုန်လှုပ်နေကြတယ်။
အဲဒီအချိန်မှာပဲ မယုံနိုင်စရာ မြင်ကွင်းကို မုဆိုးတွေ တွေ့လိုက်ရတယ်။ တောင်ဆိတ်ခေါင်းဆောင်ဟာ ကြောက်လန့်တကြားဖြစ်နေတဲ့ သူ့အုပ်စုကို အသံကျယ်ကျယ် နဲ့ အချက်ပေးလိုက်တယ်။ သူ့အသံကြားတော့ တုန်လှုပ်နေတဲ့ တောင်ဆိတ်တွေ ငြိမ်သွားကြပြီး အုပ်စု နှစ်ခုခွဲလိုက်ကြတယ်။ တစ်အုပ်စုက အသက်ကြီးရင့်နေတဲ့ တောင်ဆိတ်အိုတွေ၊နောက်တစ်အုပ်စုက တောင်ဆိတ်ငယ်တွေ တောင်ဆိတ်ပျိုလေးတွေ၊ မုဆိုးတွေကလဲ သူတို့ ဘာဆက် လုပ်ကြမလဲလို့ စိတ်ဝင်တစား စောင့်ကြည့်နေကြတယ်။
